'ತ' ಗುಣಿತ ತಾಳತಪ್ಪಿದ ಬದುಕು

ತತ್ತರಿಸಿ ತಡವರಿಸುತಿದೆ ಜಗವಿಂದು

ತಾಳಲಾಗದ ಕಾಣಲಾಗದ ಸೋಂಕಿನಲಿ

ತಿಳಿಯಲಾಗದೆ ಕಂಗಾಲಾಗಿ ನಡುಗುತಿದೆ

ತೀರದ ಸಂಕಷ್ಟದಲಿ ಸಿಲುಕಿ ನರಳುತಿದೆ 

ತುಕ್ಕುಹಿಡಿದಿದೆ ಮನಕೆ ಮನೆಯೊಳಗೆ 

ತೂಗತ್ತಿಯ ಬದುಕು ಹೋರಾಟಗಾರರಿಗೆ

ತೃಪ್ತಿ ಮರೀಚಿಕೆ ಆಡಳಿತ ವರ್ಗಕೆ

ತೆರೆಯೆಳೆಯ ಬೇಕಿದೆ ಸ್ವೇಚ್ಛಾಚಾರಕೆ

ತೇಗುತಿರುವ ಮಹಾಮಾರಿಯ ಕಾಟಕೆ

ತೈಥಕ ಕುಣಿದು ಕುಣಿಸುತಿದೆ ವೈರಾಣು

ತೊಲಗಿಸಲಿದನು ಜೀವನ ಹೈರಾಣು 

ತೋರಬೇಕು ಬಂದಹಾದಿಯನದಕೆ

ತೌಲನಿಕ ಅಧ್ಯಯನ ಬಲ್ಲವರು ನಡೆಸಿ

ತಂಗುದಾಣವಾಗಲಿ ದೇಶ ಸಂಯಮ ಅಂ-

-ತಃಕರಣ ಸಹನೆ ಸಹಕಾರವೆಲ್ಲವ ಮೆರೆಸಿ