Sunday 3 March 2019

ನಮನ

ನಾನಲ್ಲದ ನನ್ನನು ನನ್ನನಾಗಿಸಿದಿರಿ                                 
ನಾನಾ ವಿಶೇಷಣಗಳ ನನ್ನಲಿ ಕಂಡಿರಿ                     
ನಾನಾ ಬಗೆಬಗೆಯಲಿ ನನ್ನ ಚಿತ್ರಿಸಿರಿ                         
ನಾನಾ ರೀತಿನೀತಿಯಲಿ ಅರ್ಥೈಸಿದಿರಿ                     
ನಾನಾ ಬಗೆಯಲಿ  ವ್ಯಾಖ್ಯಾನಿಸಿದಿರಿ                               
ನಾನಾ ರೂಪಿನಲೆನ್ನ ರೂಪಿಸಿದಿರಿ                                         
ನಾನಾ ವರ್ಣದಲಿ ನನ್ನ ಚಿತ್ರಿಸಿದಿರಿ               
ನಾನಾ ಬಗೆಯಲೆನ್ನ ತಿದ್ದಿ ತೀಡಿದಿರಿ                   
ನಾನಾ ಕಾರ್ಯಗಳ ಮಾಡಲನುವಾದಿರಿ
ನೀವಾಡಿಸಿದಂತೆ ನಾನಾಡಿರುವೆನು       
ನೀವ್ಮಾಡಿಸಿದಂತೆ ನಾನ್ಮಾಡಿರುವೆನು       
ನಾನಾ ಪರಿಯಲೆನ್ನ ವ್ಯಕ್ತಿತ್ವವ ಬೆಳೆಸಿದಿರಿ                 
ನಾನಾ ಜೀವನವನೆನಗೆ ಪರಿಚಯಿಸಿದಿರಿ           
ನನ್ನನೀವ್ಗಳು ಸ್ಥಿತಪ್ರಜ್ಞಳನ್ನಾಗಿ ಮಾಡಿದಿರಿ                       
ನಾನು ನಾನಾಗಿರಲೆನಗೆ ನೀವನುವಾದಿರಿ                     
ನನ್ನ ಜೀವನದ ಚಿತ್ರಕಾರರೆ ಶಿಲ್ಪಿಗಳೆ ರೂವಾರಿಗಳೆ                               
ನಿಮ್ಮೆಲ್ಲರಿಗೂ ನನ್ನ ಮನದಾಳದ ನಮನ