'ಎ''ಏ''ಐ' ಕಾರದಿಂದ ಪ್ರಾರಂಭವಾಗುವ ಗಾದೆಗಳು

¨     ಎಂಜಲ ತಿಂದರೂ ಅಂಜದೆ ತಿನ್ನು

¨     ಎಂಜಲಿಗೆ ಹೇಸದವಳು ತಂಗಳು ಬಿಟ್ಟಾಳೆಯೇ ?

¨     ಎಂಜಲು ಕೈಯಲ್ಲಿ ಕಾಗೆ ಓಡಿಸದ ಬುದ್ಧಿ

¨     ಎಂಟು ವರ್ಷಕ್ಕೆ ನನ್ನ ಮಗ ದಂಟಾದ

¨     ಎಂಟು ಹೊನ್ನು ಘನವಾದ ನಂಟು ತಂತು

¨     ಎಂತರಸು ಒಲಿದರೂ ಮಂತ್ರಿಯ ಹಗೆಬೇಡ.

¨     ಎಂಜಲು ಎಲೆ ಆಯ್ದು ತಿನ್ನೋಕ್ಕಿಂತ ನಾಲ್ಕು ಮನೆ ಮುಸುರೆ ತಿಕ್ಕಿ ತಿನ್ನೋದು ಲೇಸು.

¨     ಎಂಥೆಂಥ ದೇವರಿಗೇ ಅಂತರಾಟ ಆಗಿರುವಾಗ ಕಾಲ್ಮುರುಕ ದೇವರಿಗೆ ಕೈಲಾಸವೇ

¨     ಎಚ್ಚರ ತಪ್ಪಿ ಮಾತನಾಡಬಾರದು, ಹುಚ್ಚನಂತೆ ವರ್ತಿಸಬಾರದು.

¨     ಎಚ್ಚರಿಸದವನ ಮನೆ ಹಾಳು, ಒತ್ತರಿಸಿದವನ ಹೊಲ ಹಾಳು.

¨     ಎಟ್ಟೆ ಗಂಡಗೆ ಖೊಟ್ಟಿ ಹೆಂಡತಿ

¨     ಎಡದ ನೆತ್ತಿಗೆ ಬಡಿದರೆ ಬಲದ ನೆತ್ತಿಗೆ ತಾಕಿತು

¨     ಎಡರು ಬಂದಾಗ ಎದೆಕೊಡು.

¨     ಎಡವಿದ ಕಾಲು ಎಡವುದು ಹೆಚ್ಚು

¨     ಎಣ್ಣೆ ಕಂಡ ಕಡೆ ಮಗೂ ಹೆರೋದು.

¨     ಎಣ್ಣೆ ಚೆಲ್ಲಿದವನೂ ಅತ್ತ, ಕಾಯಿ ಚೆಲ್ಲಿದವನೂ ಅತ್ತ.

¨     ಎಣ್ಣೆ ತಣ್ಣಗಾದರೆ ಬೆಣ್ಣೆಯ ಹಾಗೆ ಇದ್ದೀತೆ?

¨     ಎಣ್ಣೆ ಬಂದಾಗ ಕಣ್ಣು ಮುಚ್ಚಿಕೊಂಡಂತೆ.

¨     ಎಣ್ಣೆ ಬರುವಾಗ ಗಾಣ ಮುರೀತು.

¨     ಎಣ್ಣೆ ಬಿಟ್ಟರೆ ಕಣ್ಣಿಗೆ ಗುಣ, ನೀರು ಬಿಟ್ಟರೆ ಗಿಡಕ್ಕೆ ಗುಣ.

¨     ಎತ್ಕೊಂಡು ಹೋಗೋರಿದ್ರೆ ಸತ್ತ ಹಾಗೆ ಬಿದ್ದೇನು.

¨     ಎತ್ತ ಹೋದರೂ ಬಿಡದು ಒತ್ತಿ ಕಾಡುವ ವಿಧಿ

¨     ಎತ್ತಿಗೆ ಜ್ವರ ಬಂದ್ರೆ, ಎಮ್ಮೆಗೆ ಬರೆ ಎಳೆದರಂತೆ (ಎತ್ತಿಗೆ ಜ್ವರ ಬಂದರೆ ಎಮ್ಮೆಗೆ ಬರೆ ಹಾಕಿದರು).

¨     ಎತ್ತಿಗೆ ಭತ್ತದ ಚಿಂತೆ ಬಂದೀತೆ ?

¨     ಎತ್ತು ಈಯಿತು ಅನ್ದರೆ ಕೊಟ್ಟಿಗೆಗೆ ಕಟ್ಟು ಎನ್ದರಂತೆ

¨     ಎತ್ತು ಏರಿಗೆಳೆದರೆ ಕೋಣ ನೀರಿಗೆಳೆಯಿತು

¨     ಎತ್ತು ಕದ್ದ ಕಳ್ಳ ಹಗ್ಗ ಮರೀತಾನೆಯೇ?

¨     ಎತ್ತು ಚಲೋದಾದರೆ ಇದ್ದ ಊರಲ್ಲೇ ಗಿರಾಕಿ.

¨     ಎತ್ತು ಮಾರಿದವಗೆ ಹಗ್ಗದ ಆಸೆಯೇ

¨     ಎತ್ತು ಹೊರಬಲ್ಲ ಭಾರವನ್ನು ಕರು ಹೊರಬಲ್ಲುದೆ ?

¨     ಎದ್ದರೆ ಆಳಲ್ಲ

¨     ಎದ್ದವನು ಗೆದ್ದಾನು

¨     ಎದ್ದೋಗೋ ಮಾತು ಬಿದ್ದೋಗಲಿ ಆಡೋಕಾಗಲ್ಲ, ಅನುಭವಿಸಕ್ಕಾಗಲ್ಲ

¨     ಎದೆಯುದ್ದ ಬೆಳೆದ ಮಕ್ಕಳನ್ನು ಮಿತ್ರರಂತೆ ಕಾಣ್ಬೇಕು

¨     ಎದೆ ಸೀಳಿದ್ರೆ ಮೂರಕ್ಷರಾನೂ ಇಲ್ಲ (ಎದೆ ಬಗೆದರೆ ಮೂರು ಅಕ್ಷರ ಇಲ್ಲಾ.)

¨     ಎಮ್ಮೆ ಬಿಟ್ಟ ಗಂಜಲ ಇರುವೆಗೆ ಜಲಪ್ರಳಯ

¨     ಎಮ್ಮೆ ಮೇಲೆ ಮಳೆ ಬಿದ್ದ ಹಾಗೆ.

¨     ಎಮ್ಮೆನ ನೀರಲ್ಲಿ ಮುಳುಗಿಸಿ ವ್ಯಾಪಾರ ಮಾಡಿದ ಹಾಗೆ

¨     ಎರಡು ಕಡೆ ನಂಬಿ ಕುರುಡು ದಾಸಯ್ಯ ಕೆಟ್ಟ(ಎರಡು ದಾಸರ ನಂಬಿ ಕುರುಡು ದಾಸ ಕೆಟ್ಟ)

¨     ಎರಡೂ ಕೈ ಸೇರಿದರೆ ಚಪ್ಪಾಳೆ (ಎರಡೂ ಕೈ ತಟ್ಟಿದರೆ ಸದ್ದು)

¨     ಎರವಿನವರು ಎರವು ಕಸಗೊಂಡರೆ ಕೆರವಿನಂತಾಯಿತು ಮೋರೆ

¨     ಎರೆ-ತೆರೆ ಬಂಗಾರ, ಮರಳು ಬರೀ ಸಿಂಗಾರ!

¨     ಎಲ್ಲ ಬಿಟ್ಟು,ಭಂಗಿ ನೆಟ್ಟ.

¨     ಎಲ್ಲ ಮುಗಿದ ಮೇಲೆ ತೀರ್ಥಯಾತ್ರೆಗೆ ಹೊರಟಂತೆ.

¨     ಎಲ್ಲಮ್ಮನ ಗುಡ್ಡದಾಗ ಮುಲ್ಲಾಂದೇನು

¨     ಎಲ್ಲರ ಮನೆ ದೋಸೇನೂ ತೂತೇ.

¨     ಎಲ್ಲರ ಹಲ್ಲೊಳಗೆ ನುರಿದು ಹೋಗೋದಕ್ಕಿಂತ ಒಣಗಿದ ಹುಲ್ಲೊಳಗೆ ಉರಿದು ಹೋಗೋದು ವಾಸಿ

¨     ಎಲ್ಲರಿಗೂ ಹಿಡಿಸುವ ಸಂಪ್ರದಾಯ ಯಾವುದೂ ಇಲ್ಲ.

¨     ಎಲ್ಲರು ಆಸೆ ಬಿಟ್ಟರೆ ಇಲ್ಲಿಯೇ ಕೈಲಾಸ, ಎಲ್ಲವ ಬಯಸಿ ಭ್ರಮಿಸಿದರೆ ಇಲ್ಲಿಯೇ ನರಕ

¨     ಎಲ್ಲರು ಶಿವನ ಮರೆತರೆ ಕೈಲಾಸವೇ ಹಾಳಕ್ಕು , ಎಲ್ಲರು ಶಿವನ ನೆನೆದರೆ ಇಲ್ಲಿಯೇ ಕೈಲಾಸವಕ್ಕು.

¨     ಎಲ್ಲರೂ ನಗ್ತಾರೆ ಅ೦ಥ ಕಿವುಡ ತಾನೂ ನಕ್ಕ.

¨     ಎಲ್ಲರೂ ಪಲ್ಲಕ್ಕಿಲಿ ಕೂತರೆ ಹೊರೋರು ಯಾರು

¨     ಎಲ್ಲವೂ ತಾನಗ ಬಲ್ಲೊಡೆ ಅದುವೇ ಯೋಗ

¨     ಎಲ್ಲಾ ಕೆಡುಕಿಗೂ ಮೂಲ ಹೊಟ್ಟೆಕಿಚ್ಚು.

¨     ಎಲ್ಲಾ ಜಾಣ, ತುಸು ಕೋಣ.

¨     ಎಲ್ಲಾ ಬಣ್ಣ ಮಸಿ ನುಂಗಿತು

¨     ಎಲ್ಲಾ ಬೆಳಕಿಗಿಂತ, ಸತ್ಯದ ನುಡಿಯ ಬೆಳಕೇ ಬೆಳಕು . 

¨     ಎಲ್ಲಾ ಮಾಡುವುದು ಹೊಟ್ಟೆಗಾಗಿ ಗೇಣು ಬಟ್ಟೆಗಾಗಿ

¨     ಎಲ್ಲಾರ ಮನೇ ದೋಸೇನೂ ತೂತು

¨     ಎಲ್ಲಿಂದ ಎಲ್ಲಿಗೆ ಹೋದರೂ ಮುತ್ತುಗಕ್ಕೆ ಮೂರೇ ಎಲೆ.

¨     ಎಲ್ಲಿಂದ ಎಲ್ಲಿಗೆ ಹೋದರೂ ವ್ಯಾಪಾರಿ ತನ್ನ ಲೆಕ್ಕ ಬಿಡ.

¨     ಎಲುಬಿಲ್ಲದ ನಾಲಿಗೆ ಎತ್ತಲಾದರೂ ತಿರುಗುತ್ತೆ.

¨     ಎಲೆ ಎತ್ತೋ ಜಾಣ ಅಂದರೆ ಉಂಡೋರೆಷ್ಟು ಮಂದಿ ಅಂದನಂತೆ

¨     ಎಲೆ ನೆಕ್ಕೋನ ಮನೆಗೆ ಮೂತಿ ನೆಕ್ಕೋನು ಬಂದ.

¨     ಎಷ್ಟು ದಕ್ಷಿಣೆಯೋ ಅಷ್ಟು ಪ್ರದಕ್ಷಿಣೆ’

¨     ಎಸರಿಗೆ ಅಕ್ಕಿ ಇಲ್ಲ ಎಳ್ಳಮಾಸೆ ಮಾಡ್ಬೇಕು

¨     ಎಳ್ಳಿನಲ್ಲಿ ಎಣ್ಣೆ ಅಡಕ ಹಾಲಿನಲ್ಲಿ ಬೆಣ್ಣೆ ಅಡಕ

¨     ಎಳ್ಳು ಬೆಲ್ಲ ಕೊಟ್ಟು ಒಳ್ಳೆ ಮಾತನಾಡು.

¨     ಏಕಾದಶಿಯ ಮನೆಗೆ ಶಿವರಾತ್ರಿ ಬಂದ ಹಾಗೆ

¨     ಏತಿ ಅಂದರೆ ಪ್ರೇತಿ ಅಂದಂತೆ

¨     ಏನಕೇನ ಪ್ರಕಾರೇಣ ಪ್ರಸಿದ್ಧ ಪುರುಷೋಭವ

¨     ಏನಾದರೂ ಆಗು ಮೊದಲು ಮಾನವನಾಗು.

¨     ಏನಾದರೇನು ತಾನು ತಾನಾಗದವರೆಗೆ

¨     ಏನು ಬೇಡಿದರೊಬ್ಬ ದಾನಿಯನ್ನು ಬೇಡು, ದೀನನಾ ಬೇಡಿದರೆ ಆ ದೀನ ಏನು ಕೊಟ್ಟಾನು?

¨     ಏನೂ ಇಲ್ಲದವಗೆ ಭಯವಿಲ್ಲ

¨     ಏರಿ ಮ್ಯಾಗಿನ ಪಂಜು ನೀರೊಳಗೆ ಉರಿಯಿತು

¨     ಏರಿದವ ಇಳಿದಾನು ಇಳಿದವ ಏರಿಯಾನು

¨     ಏರಿನೇ ನೀರೆಲ್ಲಾ ಕುಡಿದ ಹಾಗೆ

¨     ಏಳರಲ್ಲಿ ಬರಲೋ? ಎಪ್ಪತ್ತರಲ್ಲಿ ಬರಲೋ?

¨     ಏಳಲಾರದ ಅತ್ತೆ ದೇಕಲಾರದ ಸೊಸೆ.

¨     ಏಳಲಾರದವನಿಗೆ ಏಳು ಜನ ಹೆಂಡಿರು.

¨     ಐದು ಕುರುಡರು ಆನೆಯನ್ನು ಬಣ್ಣಿಸಿದ ಹಾಗೆ

¨     ಐದು ಜನ ಗಂಡಂದಿರಿದ್ರು ಕಷ್ಟ ತಪ್ಪಲಿಲ್ಲ

¨     ಐದು ಬೆರಳೂ ಒಂದೇ ಸಮ ಇರೋಲ್ಲ

¨     ಐನೋರು ಇಲ್ದಿದ್ರೆ ಅಮಾವಾಸ್ಯೆ ನಿಲ್ಲುತ್ಯೇ ?