ಹಾಡಿನ ರೂಪದಲ್ಲಿ ಕವಿಗಳ ಸ್ಥಳ

ಹಾಡಿನ ರೂಪದಲ್ಲಿ ಕವಿಗಳ ಸ್ಥಳ

ದೂರವಾಣಿ ಸಂಖ್ಯೆಯಲ್ಲಿ ಕವಿಗಳ ಕಾಲ

ಪದಬಂಧ

ಪದಬಂಧ

ಮೆರೆಯುತಿಹರು

ಬುದ್ಧಿಜೀವಿಯ ಮುಖವಾಡ ಧರಿಸಿ
ಮುಗ್ಧಮನಸ್ಸುಗಳ ದಿಕ್ಕನೇ ಕೆಡೆಸಿ
ವ್ಯವಸ್ಥೆಯನೇ ಬುಡಮೇಲುಗೊಳಿಸಿ
ಸ್ವಾರ್ಥದಿಂ ಮೆರೆಯುತಿಹರು ನನಕಂದ||

ಭೇದವೆತ್ತಣದೊ

ಭೂಮಿತಾಯ ಕುಡಿಗಳಾಗಿ ಜನಿಸಿ               
ವಾಯುವಿನನುಗ್ರದಿಂ ಉಸಿರಾಡಿ               
ಜಲದೇವಿಯ ಕೃಪೆಯಿಂ ಬಾಳುತಿಹ                     
ನರರಲಿ ಭೇದವೆತ್ತಣದೊ ನನಕಂದ||

ರೂಪಣಾತ್ಮಕ – 1 ನೀಲ ನಕಾಶೆ, ಪ್ರಶ್ನೆ ಪತ್ರಿಕೆ

ಮಲ್ಲೇಶ್ವರಂ ಲೇಡೀಸ್ ಅಸೋಸಿಯೇಷನ್ ಪ್ರೌಢಶಾಲೆ, ಮಲ್ಲೇಶ್ವರಂ, ಬೆಂಗಳೂರು-03

ನಿರಂತರ ಮತ್ತು ವ್ಯಾಪಕ ಮೌಲ್ಯಮಾಪನ ರೂಪಣಾತ್ಮಕ ಮೌಲ್ಯಮಾಪನ - 1

10 ನೆಯ ತರಗತಿ ಪ್ರಥಮ ಭಾಷೆ ಕನ್ನಡ - ಲಿಖಿತ ಪರೀಕ್ಷೆ- ಪ್ರಶ್ನೆ ಪತ್ರಿಕೆ

ಸಮಯ : 45 ನಿಮಿಷಗಳು                                                      ಗರಿಷ್ಠ ಅಂಕಗಳು : 20

ಸೂಚನೆಗಳು :

ಪ್ರಶ್ನೆ ಪತ್ರಿಕೆಯು ಎ, ಬಿ ಮತ್ತು ಸಿ ಎಂಬ ಮೂರು ಭಾಗಗಳನ್ನು ಒಳಗೊಂಡಿದೆ.

ವಿಭಾಗ `ಎ’ ಪಠ್ಯಗಳ ಅಧ್ಯಯನ (ಗದ್ಯ, ಪದ್ಯ, ಪೋಷಕ ಅಧ್ಯಯನ) 15 ಅಂಕಗಳು.

ವಿಭಾಗ `ಬಿ’ ಆನ್ವಯಿಕ ವ್ಯಾಕರಣ 03 ಅಂಕಗಳು.

ವಿಭಾಗ `ಸಿ’ ವಾಕ್ಯರಚನೆ ಹಾಗೂ ಬರೆವಣಿಗೆ ಕೌಶಲ್ಯ 02 ಅಂಕಗಳು.

ಭಾಗ - `ಎ’

(ಪಠ್ಯಗಳ ಅಧ್ಯಯನ (ಗದ್ಯ, ಪದ್ಯ, ಪೋಷಕ ಅಧ್ಯಯನ) 15 ಅಂಕಗಳು)

ಕೊಟ್ಟಿರುವ ಪ್ರತಿಪ್ರಶ್ನೆಗೂ ಒಂದೊಂದು ವಾಕ್ಯದಲ್ಲಿ ಉತ್ತರಿಸಿರಿ.                          3 X 1=3

1. ‘ಬ್ಲಾಕ್ ಔಟ್’ ನಿಯಮವೆಂದರೇನು?

2. ಕವಿ ಶಿವರುದ್ರಪ್ಪನವರು ಯಾವುದನ್ನು ಎಚ್ಚರದಲಿ ಮುನ್ನಡೆಸೋಣವೆಂದಿದ್ದಾರೆ?

3. ವಿವೇಕಾನಂದರು ಯಾವುದರ ರೂಪಕವಾಗಿದ್ದಾರೆ?

ಕೊಟ್ಟಿರುವ ಪ್ರತಿಪ್ರಶ್ನೆಗೂ ಮೂರು / ನಾಲ್ಕು ವಾಕ್ಯಗಳಲ್ಲಿ ಉತ್ತರಿಸಿರಿ.                  2 X 2=4

4. ಬೇಂದ್ರೆಯವರು ಕಾಲಪಕ್ಷಿಯ ಬೃಹತ್ ರೂಪವನ್ನು ಹೇಗೆ ನಿರೂಪಿಸಿದ್ದಾರೆ?

5. ಸೈನಿಕರ ಉಡುಪಿನಲ್ಲಿ ಬಂದವರು ಮುದುಕಿಯ ಮನೆಯಿಂದ ನಿಶ್ಶಬ್ದವಾಗಿ ಹೊರನಡೆದರೇಕೆ?

ಕೊಟ್ಟಿರುವ ಪ್ರತಿಹೇಳಿಕೆಯನ್ನೂ ಸಂದರ್ಭದೊಡನೆ ವಿವರಿಸಿರಿ.                            1 X 2=2

6. “ತಾಯಿ, ದಾರಿಗರಿಗೆ ಬೀಡಿಲ್ಲಿ ದೊರೆಯುವುದೇ?”

                          ಅಥವಾ

         “ಮುಂಗಾರಿನ ಮಳೆಯಾಗೋಣ.”

ಕೊಟ್ಟಿರುವ ಲೇಖಕರ / ಕವಿಗಳ ಕಾಲ, ಸ್ಥಳ ಮತ್ತು ಕೃತಿಯನ್ನು ಕುರಿತು ವಾಕ್ಯರೂಪದಲ್ಲಿ ಬರೆಯಿರಿ.         1 X 2=2

7. ದ.ರಾ ಬೇಂದ್ರೆ  ಅಥವಾ  ಪು.ತಿ.ನ.

ಕೊಟ್ಟಿರುವ ಪದ್ಯದ ಸಾರಾಂಶವನ್ನು ನಿಮ್ಮ ಮಾತುಗಳಲ್ಲಿ ಬರೆಯಿರಿ.                       1 X 2=2 

8.       ರಾಜ್ಯದ ಸಾಮ್ರಾಜ್ಯದ ತೆನೆ ಒಕ್ಕಿ

        ಮಂಡಲ-ಗಿಂಡಲಗಳ ಗಡ ಮುಕ್ಕಿ

        ತೇಲಿಸಿ ಮುಳುಗಿಸಿ ಖಂಡ-ಖಂಡಗಳ

        ಸಾರ್ವಭೌಮರಾ ನೆತ್ತಿಯ ಕುಕ್ಕಿ

            ಹಕ್ಕಿ ಹಾರುತಿದೆ ನೋಡಿದಿರಾ?

ಕೊಟ್ಟಿರುವ ಪದ್ಯಭಾಗವನ್ನು ಪೂರ್ಣಗೊಳಿಸಿರಿ.                                              1 X 2=2

9.      ಕಲುಷಿತವಾದೀ ______________________       

       _________________________________

       _________________________________

       ________________________ ಮುಟ್ಟೋಣ                

                               ಅಥವಾ

        ಮತಗಳೆಲ್ಲವೂ _______________________       

       __________________________________                                   

        __________________________________

       _____________________________ ಬಿತ್ತೋಣ

ಭಾಗ - `ಬಿ’

(ಆನ್ವಯಿಕ ವ್ಯಾಕರಣ  – 03 ಅಂಕಗಳು)

ಕೊಟ್ಟಿರುವ ಪ್ರತಿಪ್ರಶ್ನೆಗೂ ನಾಲ್ಕು ಆಯ್ಕೆಗಳನ್ನು ನೀಡಲಾಗಿದೆ. ಸರಿಯಾದ ಆಯ್ಕೆಯನ್ನು ಆರಿಸಿ, ಕ್ರಮಾಕ್ಷರದೊಂದಿಗೆ ಬರೆಯಿರಿ. 3X=3     

10. ‘ಮನ್ವಂತರ’ ಈÀ ಸಂಧಿಗೆ ಉದಾಹರಣೆಯಾಗಿದೆ:                       

(ಎ)ವೃದ್ಧಿ                    (ಬಿ) ಯಣ್              (ಸಿ) ಗುಣ                      (ಡಿ) ಜಸ್ತ್ವ

11. ‘ಬಟ್ಟಬಯಲು’ ಈ ವ್ಯಾಕರಣಾಂಶಕ್ಕೆ ಉದಾಹರಣೆಯಾಗಿದೆ:

(ಎ) ದ್ವಿರುಕ್ತಿ                (ಬಿ) ಜೋಡುನುಡಿ      (ಸಿ) ನುಡಿಗಟ್ಟು                  (ಡಿ) ಅನುಕರಣಾವ್ಯಯ

12. ಎರಡು ಅಥವಾ ಎರಡಕ್ಕಿಂತ ಹೆಚ್ಚು ವ್ಯಂಜನಗಳಿಗೆ ಒಂದು ಸ್ವರ ಸೇರಿದಾಗ ಆಗುವುದು:

(ಎ) ಪ್ಲುತಾಕ್ಷರ             (ಬಿ) ಗುಣಿತಾಕ್ಷರ        (ಸಿ) ಸಂಯುಕ್ತಾಕ್ಷರ             (ಡಿ) ವರ್ಣಮಾಲೆ

ಭಾಗ - `ಸಿ’

(ವಾಕ್ಯರಚನೆ ಹಾಗೂ ಬರೆವಣಿಗೆ ಕೌಶಲ್ಯ  02 ಅಂಕಗಳು)

13. ಕೊಟ್ಟಿರುವ ಗಾದೆಗಳಲ್ಲಿ ಯಾವುದಾದರೂ ಒಂದನ್ನು ವಿಸ್ತರಿಸಿ ಬರೆಯಿರಿ.                       1 X 2=2

·       ಮನಸಿದ್ದರೆ ಮಾರ್ಗ.

·       ತಾಳಿದವನು ಬಾಳಿಯಾನು.

ಅಥವಾ

ನಿಮ್ಮನ್ನು ದಾವಣಗೆರೆಯ ಹರಿಹರೇಶ್ವರ ಪ್ರೌಢಶಾಲೆಯ ಕವಿತ/ಕಾರ್ತಿಕ್ ಎಂದು ಭಾವಿಸಿಕೊಂಡು, ನಿಮ್ಮ ಶಾಲೆಯಲ್ಲಿ ಆಚರಿಸಿದ ‘ಪ್ರತಿಭಾ ಪುರಸ್ಕಾರ’ ಸಮಾರಂಭದ ವರದಿಯನ್ನು ಪ್ರಕಟಿಸುವಂತೆ ಕೋರಿ ವಿಜಯವಾಣಿ ದಿನಪತ್ರಿಕೆಯ ಸಂಪಾದಕರಿಗೆ ಒಂದು ಮನವಿ ಪತ್ರ ಬರೆಯಿರಿ.

***************

ಈಗಿನ ಶಿಕ್ಷಣ

ಪರೀಕ್ಷೆಗಳ ಹಿಂದೆ ಹಿಂದೆಯೇ ಓಟ ಪಾಠ
ಪಾಸಿಂಗ್ ಪ್ಯಾಕೇಜುಗಳ ಭರದ ಓಡಾಟ   
ಅಂಕಗಳಿಕೆಗಾಗಿಯೇ ಸಕಲರ ಪರದಾಟ                     
ಇದು ಈಗಿನ ಶಿಕ್ಷಣದ ನೋಟ ನನ ಕಂದ||

Abdul kalam

ನಿನ್ನ ನೀ ಅರಿ

ನನ್ನವರು ನನ್ನರಿಯಲಾರದೆ ಹೋದರೆನ್ನದಿರು
ನಿನ್ನವರ ನೀನರಿತುದೆಷ್ಟೆಂದು ತಿರುಗಿ ನೋಡು
ನನ್ನನರಿತವರಿಹರಿನ್ನೆಲೋ ಎನುತೋಡದಿರು   
ನಿನ್ನ ನೀ ಅರಿತು ನಡೆವುದನು ಕಲಿ ನನಕಂದ||

ನರರ ನರ್ತನ

ವರ್ತಮಾನದಲಿ ಭೂತವ ಬೆದಕಿ ಭವಿಷ್ಯವನೆದುರು ನೋಡುತ
ಕರ್ತವ್ಯವ ತೂಗುವುಯ್ಯಾಲೆಯಲಿರಿಸಿ ಅನುಗಾಲವೂ ತೂಗುತ
ಮರ್ತ್ಯಲೋಕದ ಸುಖವೆಲ್ಲವೂ ತನಗೆ ಬೇಕೆಂದೆನುತ ಬಯಸುತ
ನರ್ತನವ ಮಾಡುತಿಹರೀ ನರರು ಲೋಕದಲಿ ನಿತ್ಯ - ನನಕಂದ||

ಅವಿಶ್ವಾಸ ವೇ ವಿಶ್ವಾಸ

ಮಾತಿನ ಚಕಮಕಿಯಲಿ ಸಲ್ಲದ ವಾಕ್ಝರಿಯಬ್ಬರ
ಲೋಕಸಭೆಯಲಿ ಅವಿಶ್ವಾಸ ನಿರ್ಣಯದ ಭರ
ಕುಡಿಗಣ್ಣಿನ ನೋಟ ಆತ್ಮೀಯತೆಯ ಆಲಿಂಗನ
ಮೋದಿಯನು ಜನರೆಡೆಗೆ ಕರೆತಂದಿತಲಾ ನನಕಂದ||     

ಒಂದೆಂದು ಕಡೆಗಣಿಸದಿರು

ಒಂದೇ ಒಂದು ಕಿಡಿ ದಳ್ಳುರಿಯಾಗೆಲ್ಲವನು ದಹಿಸುವುದು
ಒಂದೇ ಒಂದು ನುಡಿ ಮನೆಮನಗಳನು ಮುರಿಯುವುದು
ಒಂದೇ ಒಂದು ಆಲೋಚನೆ ಬಾಳಿನಾ ದಿಕ್ಕ ಬದಲಿಪುದು
ಒಂದೇ ಒಂದೆಂದೆನುತ ಕಡೆಗಣಿಸದಿರು ನೀ ನನಕಂದ||

ಸುಖವನರಸು

ಸುಖವಿಲ್ಲಿಲ್ಲ ಇಹುದಿನ್ನೆಲ್ಲೆಲ್ಲೋ ಎನುತ ಅರಸಿ
ಸುಖಿಸುವೆನಿನ್ನೆಲ್ಲೆಲ್ಲೋ ಎನುತನುಗಾಲ ಭ್ರಮಿಸಿ
ಸುಖವನರಸರಸಿ ಅಂಡಲೆಯುತ ಕುದಿಯದಿರು
ಸುಖವಿಹುದು ನಿನ್ನೊಳಗದನರಸು ನನಕಂದ|| 

ಹಾಸ್ಯದೌತಣ

ರಾಶಿಯ ಕೊರವಂಜಿ ಅವಳತಂಗಿ ಅಪರಂಜಿಯ ಹಾಸ್ಯದ ಹೊನಲು

ಬೀchi, ಕೈಲಾಸಂ, ನಾ ಕಸ್ತೂರಿಯವರ ಚತುರೋಕ್ತಿಯ ನಗೆಗಡಲು

ನಗೆರಾಯಭಾರಿ ತುಮಕೂರಿನ  ಮುಗುಳು ನಗೆಯ ‘ನಗೆಮುಗುಳು’ 

ನಗೆ ಸಾಹಿತ್ಯೋ ಪಾಸಕರಿಗೆ ಹಾಸ್ಯದೌತಣವ ಬಡಿಸಿಹುದು-ನನಕಂದ||

ನರರು ನಲುಗುವರು

ಮರಳಿನಲಿ ಮನೆಕಟ್ಟಿ ಸಿಂಗರಿಸಿ ಸಂತಸದಿ ನಲಿಯುತಿರೆ                

ಸುರಿವ ಮಳೆಗೆ ಕಣ್ಣೆದುರೆ ಮನೆಯು ಕೊಚ್ಚಿಹೋಗುತ್ತಿರೆ

ಕರ ಹಿಸುಕಿಗೊಳುತ ದುಃಖಿಸುವ ಮುಗ್ಧ ಬಾಲಕರವೊಲ್

ನರರು ನಲುಗುವರು ಬಾಳಿನಾಟವು ಕುಸಿಯೆ  ನನಕಂದ||

ಭಾವಪೂರ್ವಕ ಶ್ರದ್ಧಾಂಜಲಿ

ಕಾಯಕದಲಿ ಕಾಯವ ಗಟ್ಟಿಗೊಳಿಸಿ

ಕರ್ಮಯೋಗವ ತಾ ನಂಬಿ

ತನ್ನೆಲ್ಲ ಕಾರ್ಯವ ತಾನೇ ಎಸಗುತ

ಕರ್ಮ ಯೋಗಿಯಂತೆ ಬದುಕಿದಾಕೆ;

ತನ್ನ ಸಿದ್ಧಾಂತಗಳಿಗೆ ತಾ ಬದ್ಧರಾಗಿ

ತನ್ನಂತೆ ತಾನಿದ್ದು ಕೊನೆವರೆಗೂ

ತನ್ನ ತನುಮನವನು ಅದಕೆ ಅಣಿಗೊಳಿಸಿ

ತನ್ನತನದೊಡನೆ ಸದಾ ಬದುಕಿದಾಕೆ;

ಮಕ್ಕಳು ಮರಿಗಳ ಅಕ್ಕರೆಯಿಂದ ಸಲಹುತ

ಬಸುರಿ ಬಾಣಂತಿಯರ ಆರೈಕೆ ಮಾಡುತ

ಅನಾರೋಗ್ಯದಿಂದ ಬಳಲುವವರ ಸಂತೈಸುತ

ತನ್ನವರ ಸೇವೆಗೆ ಮುಂದಾಗಿ ಬದುಕಿದಾಕೆ;

ತನ್ನೊಲವಿನ ಬಂಧು ಮಿತ್ರರ ತಪ್ಪು ಒಪ್ಪುಗಳ ಮನ್ನಿಸುತ

ಅವರ ಯೋಗಕ್ಷೇಮಕೆ ಕಟಿಬದ್ಧಳಾಗಿ ಅನವರತ ನಿಂತು

ಕಿಂಚಿತ್ತು ಚ್ಯುತಿ ಬಾರದಂತೆ ಎಚ್ಚರದಿ ಕಾರ್ಯ ನಿರತಳಾಗಿ

ಬದಕ ಹಸನಗೊಳಿಸೆ ತುಡುಕಿ ಬದುಕಿದಾಕೆ;

ಸೋದರಿಯ ಮಕ್ಕಳ ಅಕ್ಕರೆಯಿಂದ ಸಾಕಿ ಸಲಹಿ

ಸೋದರನಿಗೆ ತನ್ನೆಲ್ಲವನೂ ಧಾರೆಯೆರೆದು

ತವರು ಮನೆಯೇಳ್ಗೆಯ ಮನಸಾರೆ ಬಯಸುತ

ಭ್ರಾತೃ ಪ್ರೇಮದಿ ಪರಾಕಾμÉ್ಠಯ ಮೀರಿದಾಕೆ;

ಕೌತುಕಗಳಲಿ ಕುತೂಹಲವ ತಳೆದು

ವಿಸ್ಮಯಗಳನು ವಿಸ್ಮಯದಿಂದ ನೋಡಿ

ಹಾಡು ಹಸೆಯ ಮನಸಾರೆ ಮೆಚ್ಚುತ

ಹಬ್ಬ ಹರಿದಿನವ ಬಿಡದೆ ಮಾಡಿದಾಕೆ;

ಚಸ್ಮದ ಮೊರೆಯಿಲ್ಲದೆ ಕೊನೆಯವರೆಗು ಓದಿಬರೆದು

ಆರೋಗ್ಯ ಸಲಹೆಗಳ ಕಾಳಜಿಯಿಂದ ಸಂಗ್ರಹಿಸುತ

ಬಿಡದೆ ಆರೋಗ್ಯದ ಕಡೆಗೆ ಗಮನನೀಡಿ

ಜತನದಿಂದ ತನ್ನಾರೋಗ್ಯವ ತಾ ಕಾಯ್ದುಕೊಂಡಾಕೆ;

ಒಡವೆ ವಸ್ತ್ರ ಆಸ್ತಿಯ ಮೋಹ ಕಿಂಚಿತ್ತಿಲ್ಲದೆ

ಒಡನಾಡಿಗಳಲಂಕಾರವ ಮನಸಾರೆ ಮೆಚ್ಚಿ

ಒಡಹುಟ್ಟಿದವರ ಒಳಿತನೇ ತಾ ನಿತ್ಯ ಬಯಸಿ

ಒಡಲ ಸಂಕಟವ ಮರೆಮಾಚಿ ಬಾಳದೂಡಿದಾಕೆ;

ಸ್ವಚ್ಛತೆಗೆ ಕೊನೆಯವರೆಗು ಆದ್ಯತೆಯ ನೀಡಿ

ವಸ್ತು ವಾಸ್ತವ್ಯಗಳನು ಒಪ್ಪಗೊಳಿಸಿ

ಚಿಂದಿ ಬಟ್ಟೆ-ಬರಿಯನು ಬಿಡದೆ ಸ್ವಚ್ಛಗೊಳಿಸಿ

ಶುಭ್ರತೆಗೆ ಮತ್ತೊಂದು ಹೆಸರಾದಾಕೆ;

ಹಪ್ಪಳ ಸಂಡಿಗೆ ಉಪ್ಪಿನಕಾಯಿ ಬಾಳಕವ ಸಿದ್ಧಗೊಳಿಸಿ

ಬೋಂಡ ಪಕೋಡ ಚಕ್ಕುಲಿ ಕೋಡುಬಳೆಗಳನು ಇಚ್ಛಿಸಿ

ಒಳ್ಳೆಣ್ಣೆಯೊಂದಿಗೆ ಉಪ್ಪಿನಕಾಯಿ ಚಟ್ನಿಪುಡಿ ಗೊಜ್ಜಮಿದ್ದು

ಕಾಳುಹುಳಿ ಹಾಲುಬಾಯಿ ಸವಿಯ ಬಯಸಿದಾಕೆ;

ಶ್ರೀನಿವಾಸಜೋಯಿಸರ ಮಡದಿಯಾಗಿ

ಪುರಾಣಿಕರ ಆಸರೆಯಲಿ ಬಾಳಿ ಬದುಕಿ

ನಿಂಗು, ಅಮ್ಮ, ಅಜ್ಜಿ, ಗಿಂಡಿಅಜ್ಜಿ, ನಾಗರತ್ನಳಾಗಿ

ಯಾರಿಗೂ ಯಾವುದಕು ಎಂದೆಂದೂ ತಲೆಬಾಗದೆ

ಯಾರಿಗೂ ಯಾವುದಕು ಹೊರೆಯಾಗದಂತೆ ಬದುಕಿದ

ಅವರಾತ್ಮಕೆ ಚಿರ ಶಾಂತಿ ದೊರಕಲಿ

ಅವರು ಬಯಸಿದ ಮುಕ್ತಿ ಸಿಗಲಿ.

  *************

ಕಾರ್ಯಗಳ ಫಲ

ಹಿಟ್ಟೊಂದೆ ಹದವೊಂದೆ ಬಳಪ ಕರಣಗಳೊಂದೆ

ಅಟ್ಟಡುಗೆಗಳ ವಿಧಿವಿಧಾನಗಳೆಲ್ಲವೂ ತಾನೊಂದೆ

ಕಟ್ಟಕಡೆಗೆ ಪರಿಮಳವು ತಾನೊಂದೆ ರುಚಿಮಾತ್ರ ಬೇರೆ

ಕಾರ್ಯಗಳ ಫಲವು ಮನಸ್ಸಿನ ಸ್ಥತಿಯಂತೆ ನನಕಂದ||

‘ಬೆಕ್ಕು ಹಾರುತಿದೆ ನೋಡಿದಿರಾ?’

ಬೇಂದ್ರೆಯವರು ‘ಹಕ್ಕಿ ಹಾರುತಿದೆ ನೋಡಿದಿರಾ?’ ಎಂಬ ತಮ್ಮ ಕವನವನ್ನು ಅಣಗಿಸಿ ‘ಬೆಕ್ಕು ಹಾರುತಿದೆ ನೋಡಿದಿರಾ?’ ಎನ್ನುವ ‘ಅಣಕುವಾಡು’ ಕವನವನ್ನು ಬರೆದರು.

ಈರುಳ್ಳ್ಯುರುಳಲು ಮಾಡವು ಬೆಳಗೆ
ಅತ್ತಲೆತ್ತಲು ಕತ್ತಲೆಯೊಳಗೆ
ಯಾವುದ ! ಯಾವುದ ! ಯಾವುದ ಎಂದು
ಕೇಳುವ ಹೇಳುವ ಹೊತ್ತಿನ ಒಳಗೆ
ಬೆಕ್ಕು ಹಾರುತಿದೆ ನೋಡಿದಿರಾ? ||೧||

ಕರಿ-ನೆರೆ ಬಣ್ಣದ ಮೊಸಡೆಯ ಗಂಟು
ಬಿಳಿ-ಹೊಳೆ ಬಣ್ಣದ ಮೀಸೆಗಳೆಂಟು
ಹಚ್ಚನ ಬೆಚ್ಚನ ಪಚ್ಚೆಯ ಪೈರಿನ
ಬಣ್ಣದ ಕಣ್ಣು ಕಿವಿ ಬದಿಗುಂಟು
ಬೆಕ್ಕು ಹಾರುತಿದೆ ನೋಡಿದಿರಾ? ||೨||

ಕಾಡಿಗೆಗಿಂತಲು ಕಪ್ಪೋ ಬಣ್ಣಾ
ಕತ್ತಲಕೇ ಕಾಲೊಡೆದವೊ ಅಣ್ಣಾ
ಕೂದಲ ಕೂದಲ ನಿಗುರಿಸಿಕೊಂಡು
ಸೂರ್ಯ-ಚಂದ್ರರೊಲು ಮಾಡಿದೆ ಕಣ್ಣಾ
ಬೆಕ್ಕು ಹಾರುತಿದೆ ನೋಡಿದಿರಾ? ||೩||

ರಾಜ್ಯದ ಹೆಗ್ಗಣಗಳ ತಾನೊಕ್ಕಿ
ಜೊಂಡಿಗದಾ ಹುಲುಗಡಣವ ಮುಕ್ಕಿ
ಹಾರಿಸಿ ಹೇಂಟೆಯ ಹಿಂಡುಹಿಂಡುಗಳ
ಜಂಭದ ಕೋಳಿಯ ನೆತ್ತಿಯ ಕುಕ್ಕಿ
ಬೆಕ್ಕು ಹಾರುತಿದೆ ನೋಡಿದಿರಾ? ||೪||

ಹಾಲಿನ ಗಡಿಗೆಯ ತಳವನು ಒರಸಿ
ಮೊಸರಿನ ಮಡಿಕೆಯ ಮುಚ್ಚಳ ಸರಿಸಿ
ಉರುಳಿಸಿ ಹೊರಳಿಸಿ ಭಾಂಡ ಭಾಂಡಗಳ
ಬಿಸಿ ಹಾಲಲಿ ತುಸು ಮಜ್ಜಿಗೆ ಬೆರಸಿ
ಬೆಕ್ಕು ಹಾರುತಿದೆ ನೋಡಿದಿರಾ? ||೫||

ಇಲಿಗಳು ಬೆಳ್ಳಗೆ ಇದ್ದರು ಬಿಡದು
ಬೆಳ್ಳಗಿದ್ದದನು ಕುಡಿದೂ ಕುಡಿದೂ
ನೋಡಿ ಚಂದ್ರನನು ಬೆಣ್ಣೆಯದೆಂದೊ
ಮುಗಿಲಿನಂಗಳಕೆ ಸಿಟ್ಟನೆ ಸಿಡಿದು
ಬೆಕ್ಕು ಹಾರುತಿದೆ ನೋಡಿದಿರಾ? ||೬||

ಹಿಂದಕೆ ಮುಂದಕೆ ಚಾಚಿದೆ ಕಾಲ
ಉಬ್ಬಿಸೆಬ್ಬಿಸಿದೆ ಜೊಂಡಿನ ಬಾಲ
ಬೆಳುದಿಂಗಳ ಹಾಲೆನೆ ತಿಳುಕೊಂಡೊ
ಬಲ್ಲರು ಯಾರಿವರಪ್ಪನ ಸಾಲ!
ಬೆಕ್ಕು ಹಾರುತಿದೆ ನೋಡಿದಿರಾ? ||೭||

ಚಿತ್ರ : ಗೂಗಲ್ ಕೃಪೆ

ವಿಧಿಯಿಚ್ಛೆಯ ಮೀರಲಾದೀತೆ

ವಿಧವಿಧದಾಟಗಳನು ಹೂಡುತ ಮಾಯಾ ಮುಸುಕೆಳೆದು

ವಿಧವಿಧ ಆಲೋಚನೆಗಳನು ಮನದೊಳಗೆ ಕೆರಳಿಸುತ

ವಿಧೇಯರಂತಾತನಾಣತಿಯ ಪಾಲಕರನ್ನಾಗಿಸುವನು

ವಿಧಿರಾಯನಿಚ್ಛೆಯನೆಂತು ಮೀರಲಾದೀತು ನನಕಂದ||

ತಡೆವುದತೆಂತು

ಮೋಹದಾ ಪಾಶ ಬಿಗಿ ಬಿಗಿದು ಉರುಳಾಗಿ ಸುತ್ತುತಿರೆ

ಮೋಡಿಗೊಳಿಪ ಸವಿಸವಿಯ ನುಡಿಗಳು ಕಟ್ಟಿಹಾಕುತಿರೆ

ಮಾಟದ ಕಾಟ ಕಾಣದಂತೆ ಬೆಂಬಿಡದೆ ಸೆಳೆದು ಕಾಡುತಿರೆ

ಜೌವನದ ಸೊಕ್ಕಿನುದ್ವೇಗವ ತಡೆವುದತೆಂತು ನನಕಂದ||