ಗೃಹ ಕೃತ್ಯ

ಒಂದು ದಿವಸದಲ್ಲ ಒಂದು ಹೊತ್ತಿನದಲ್ಲ ಗೃಹ ಕೃತ್ಯ

ನಿತ್ಯ ನಿರಂತರ ಮುಗಿಯದ ಕಾಯಕವು ಇದು ಸತ್ಯ

ಕಾಯಕ ನಿಷ್ಠೆಯಿಂದಲಿ ಮಾಡುತಿರೆ ಅದೇ ಕೈಲಾಸ

ಅನುಗಾಲ ಕರ್ಮಯೋಗಿಯಾಗು ನೀ ನನ ಕಂದ||

ರಕ್ಷಿಸು

ಕಾಣುವ ಪ್ರಕೃತಿಯ ಕಾಡುತಲಿರುವೆಯೋ ನೀ ಮನುಜ

ಕಾಣದ ವೈರಸ್ ಕಾಡುತಲಿರುವುದು ನಿನ್ನನು ಓ ಮನುಜ

ಕಾಣದ ದೇವರು ಕಾಪಿಡುತಿರೆ ಮನುಕುಲದುಳಿವು ತಿಳಿ ಮನುಜ

ಕಾಣದ ಹಾಗೆ ನಶಿಸುವ ಮೊದಲೆ ಪ್ರಕೃತಿಯ ರಕ್ಷಿಸು ನೀ ನನ ಕಂದ||

ಪ್ರಾಸ ಪದ ಕಸರತ್ತು

೧. ಮಕ್ಕಳಿಗೆ ಇಷ್ಟ ಆಟ

ಹಸಿದಾಗ ಬೇಕು-------

೨. ಶಾಲೆಯಲ್ಲಿ ಆಗುತ್ತೆ ಪಾಠ

ಮನೆಯಲ್ಲಿ ಆಗುತ್ತೆ-------

೩. ಅರಸನ ವಾಸ ಅರಮನೆ

ಕಳ್ಳನ ಬಂಧನ-------

೪. ದೇವಾಲಯದ ಮುಂದೆ ಕಾಣೋದು ಕಂಬ

ಕನ್ಬಡಿ ಒಳಗೆ ಕಾಣುವಿದು-------

೫. ಉಸಿರಾಡಲು ಬೇಕು ಗಾಳಿ

ವಧುವಿನ ಕೊರಳಿಗೆ ಕಟ್ಟಲು ಬೇಕು-------

೬. ಮಡಿಕೆ ಮಾಡಲು ಬೇಕು ಮಣ್ಣು

ನೋಡಲು ಬೇಕು-------

೭. ಬೆಳಕು ಕೊಡುತ್ತಾನೆ ರವಿ

ಕವನ ಬರೆಯುತ್ತಾನೆ-------

೮. ಕಥೆ ಹೇಳಲು ಬೇಕು ಅಜ್ಜಿ

ಕಾಫಿ ಜೊತೆ ತಿನ್ನಲು ಬೇಕು-------

೯. ದಾವಣಗೆರೆ ದೋಸೆಗೆ ಬೇಕು ಬೆಣ್ಣೆ

ಮುದುಕರಿಗೆ ಓಡಾಡಲು ಬೇಕು-------

೧೦. ಚರಡಿ (ಸಾರಣೆ) ತುಂಬ ರಂದ್ರ

ರಾತ್ರೆ ಆಕಾಶ ಬೆಳಗುವವನು-------

೧೧. ರಾಜಾಧಿರಾಜರ ಹಾರದಲ್ಲಿ ಇರುತ್ತಿದ್ದದು ಮಾಣಿಕ್ಯ

ಚಂದ್ರಗುಪ್ರ ಮೌರ್ಯನಿಗೆ ಬೆಂಬಲವಾಗಿದ್ದವನು-------

೧೨. ಮನೆಯನ್ನು ನಿಷ್ಠೆಯಿಂದ ಕಾಯುವುದು ನಾಯಿ

 ಮಕ್ಕಳನ್ನು ಪ್ರೀತಿಯಿಂದ ಪಾಲಿಸುವವಳು-------

೧೩. ಬಲವಿಲ್ಲದವರು ಕಾರ್ಯ ಸಾಧನೆಗೆ ಬಳಸುವುದು ಯುಕ್ತಿ

ಬಲವಿರುವವರು ತಮ್ಮ ಕಾರ್ಯಸಾಧನೆಗೆ ಬಳಸುವುದು -------

೧೪.ವಾಕ್ಯ ರಚನೆಗೆ ಬಳಸುವುದು ಪದ

ಮನೆಯನ್ನು ರಕ್ಷಿಸಿಕೊಳ್ಳಲು ಹಾಕುವುದು -------

೧೫. ಕತ್ತಿ, ಕೊಡಲಿ, ಕೊಡೆ ಮುಂತಾದವುಗಳ ಹಿಡಿ ಕಾವು

ಅಕ್ಕಿ, ರಾಗಿ, ಬೆಳೆ ಮುಂತಾದ ಧಾನ್ಯಗಳನ್ನು ಅಳೆಯಲು ಬಳಸುವುದು (ಸೇರಿನ ನಾಲ್ಕನೇ ಒಂದು ಭಾಗ)-------

೧೬. ಮಳೆಗೆ ಸಮಾನಾರ್ಥಕ ಪದ ವರ್ಷ

ಸಂತೋಷಕ್ಕೆ ಸಮಾನಾರ್ಥಕ ಪದ-------

೧೭. ಸವಿಯಾದ ಜೇನು ಮಧು

ಮದುವೆಯ ಹೆಣ್ಣು-------

೧೮. ದೊಡ್ಡದಾಗಿ ಬೆಳೆದ ಗಿಡ ಮರ

ಮದುವೆಯ ಗಂಡು-------

೧೯. ಕುಡಿಯಲು ಬೇಕು ಹಾಲು

ನಡೆಯಲು ಬೇಕು-------

೨೦. ಸಣ್ಣ ಕೈ ಪೆಟ್ಟಿಗೆ ಭರಣಿ

ಸಗಣಿಯಿಂದ ಮಾಡಿದ ಉರುವಲು------

೨೧. ವಾಕ್ಯ ರಚನೆಗೆ ಬೇಕು ಪದ

ಅಡುಗೆ ಮಾಡಲು ಬೇಕು-------

೨೨. ನಾವು ಮಾಡುವ ಪ್ರತಿಯೊಂದು ಕೆಲಸ ಕರ್ಮ

ಶರೀರವನ್ನು ರಕ್ಷಿಸುವ ಸ್ಪರ್ಶ ಕವಚ -------

೨೩. ಹಾಲು ನೀರನ್ನು ಬೇರೆ ಮಾಡುವ ಪಕ್ಷಿ ಹಂಸ

ವೃತ್ತದ ಪರಿಧಿಯ ಒಂದು ಭಾಗ  -------

೨೪. ಕತ್ತಲೆಯನ್ನು ಕಳೆಯುವುದು ಬೆಳಕು

ಶುಭ್ರತೆಯನ್ನು ಕಳೆಯುವುದು-------

೨೫.ಬೆಳೆಯನ್ನು ಹಾಳು ಮಾಡುವುದು ಕಳೆ

ಬೆಳೆ ಬೆಳೆಯಲು ಪೂರಕವಾದುದು-------

೨೬.ನಮ್ಮನ್ನು ತನ್ನ ಒಡಲಿನಲ್ಲಿ ಇಟ್ಟುಕೊಂಡಿರುವುದು ಭರಣಿಯಲ್ಲ ಧರಣಿ

ಇಡೀ ಜಗತ್ತಿಗೆ ಬೆಳಕನ್ನು ಕೊಡುವುದು ತರುಣಿಯಲ್ಲ -------

೨೭. ಸಾಲು ಸಾಲಾಗಿರುವುದು ಸರಣಿ

 ಯೌವ್ವನಕ್ಕೆ ಬಂದ ಹುಡುಗಿ-------

೨೮. ಉತ್ಸಾಹ, ಶಕ್ತಿಯುತ ಹಾಗೂ ನಾಟಕೀಯವಾದ ನಿರೂಪಣೆ ನೃತ್ಯ ಮತ್ತು ಸಂಗೀತ ಪ್ರಕಾರ ಲಾವಣಿ

ಜರಡಿ ಹಿಡಿಯುವ ಸಾಧನ ಸಾರಣಿ------- 

೨೯. ಜಪಮಾಲೆಯಲ್ಲಿ ಇರುವುದು ಮಣಿ

ಕೊರವಂಜಿ ಹೇಳುವುದು-------

೩೦. ಸುಂದರ ಸ್ತ್ರೀಯ ರೂಪವನ್ನು ಧರಿಸುವ ಒಂದು ದುಷ್ಟ ಶಕ್ತಿ ಡಾಕಿಣಿ

ಸುಂದರ ಸ್ತ್ರೀಯ ರೂಪವನ್ನು ಧರಿಸುವ ಒಂದೊಂದು ದುಷ್ಟ ಶಕ್ತಿ------

೩೧. ಕೆಟ್ಟ ಸಲಹೆ ಕೊಡುವವನು ಕಂತ್ರಿ

ರಾಜನಿಗೆ ಸಲಹೆ ಕೊಡುವವನು

ಕರುನಾಡು

ಕನ್ನಡ ನಾಡು

ಹೊನ್ನಿನ ಬೀಡು 

ಕಲೆ ಸೌಂದರ್ಯದ ಗೂಡು

ಸುಸಂಸ್ಕೃತಿ ನೆಲೆವೀಡು

ಸಾಮರಸ್ಯದ ನಮ್ಮೀ ಕರುನಾಡು

ಚಂದದ ನಾಡು

ಗಂಧದ ಬೀಡು

ಸುಂದರ ನದಿಗಳ ಗೂಡು

ಅಂದದ ಗಿರಿಗಳ ಸೂಡು

ನಂದನವನ ನಮ್ಮೀ ಕರುನಾಡು

ಮಲ್ಲಿಗೆಯ ನಾಡು

ಏಲಕ್ಕಿಯ ಬೀಡು

ರೇಷ್ಮೆಯ ಗೂಡು

ತೆಂಗು ಕೌಂಗಿನ ನೆಲೆವೀಡು

ವೀಳೆಯ ಸವಿ ಕರುನಾಡು

ಕರುಣೆಯ ನಾಡು

ಮಮತೆಯ ಬೀಡು

ಒಲುಮೆಯ ಗೂಡು

ಸ್ವಾಭಿಮಾನದ ನೆಲೆವೀಡು

ಪ್ರೀತಿಯ ನಮ್ಮೀ ಕರುನಾಡು

ವೀರ ಶೂರರ ನಾಡು

ಕವಿಪುಂಗವರ ಬೀಡು

ಗಾನ ಕುಕಿಲಗಳ ಗೂಡು

ಪುಣ್ಯ ಪುರುಷರ ನೆಲೆವೀಡು

ನಮ್ಮೀ ನೆಚ್ಚಿನ ಕರುನಾಡು

ಪಂಪ ರನ್ನ ಪೊನ್ನ ಕುಮಾರವ್ಯಾಸರ ನಾಡು

ಕದಂಬ ಹೊಯ್ಸಳ ತುಳುವರಾಳಿದ ಬೀಡು

ರಸಋಷಿ ಸಂತಪರಂಪರೆಯ ಪುಣ್ಯದ ಗೂಡು

ಹೊನ್ನಮ್ಮ ಅಕ್ಕ ಶಾಂತಲೆ ಶಾಂತಮ್ಮರ ಸೂಡು

ಸರ್ವಧರ್ಮ ಕಲೆಗಳ ಸಮನ್ವಯದ ಕರುನಾಡು

ಕಬ್ಬಿಗರ ನೆಚ್ಚಿನ ನಾಡು

ಕಲಾಕಾರರು ಮೆಚ್ಚಿದ ಬೀಡು

ಶಾಂತಿ ಕ್ರಾಂತಿಯ ಗೂಡು

ಋಷಿ ಮುನಿಗಳ ತ್ಯಾಗದ ಸೂಡು

ರಾಜಾಧಿರಾಜರ ಭೋಗದ ಕರುನಾಡು

ಶಾಂತಿಯ ಪುತ್ಥಳಿ

ಅಟ್ಟ ಅಡಿಗೆಯು ರುಚಿಯು

ತೊಟ್ಟ ತೊಡುಗೆಡಯು ಶುಭ್ರ

ಕೊಟ್ಟ ಕೊಡುಗೆಯು ಶ್ರೇಷ್ಠ

ದಟ್ಟವಾಗಿಹುದಿವಳ ಕೀರ್ತಿ

ಪಟ್ಟ ಕಷ್ಟಕಾರ್ಪಣ್ಯವ ಮರೆತು

ಇಟ್ಟ ಹೆಸರಂತೆ ಶಾಂತವಾಗಿಹಳು

ಇಟ್ಟವರು ಯಾರೋ ಹೆಸರ

ಇಟ್ಟವರ ಇಂಗಿತವ ತಿಳಿದು

ಬೆಟ್ಟು ಮಾಡದಂತೆ ಯಾರು

ಇಟ್ಟ ಹೆಸರಿಗೆ ಅನ್ವರ್ಥವಾಗಿ

ಶಾಂತಿ ರತ್ನವೇ ಆಗಿಹಳು

ಬಹುಭಾಷಾ ವಿಶಾರದೆ

ಸರಳ ಸಜ್ಜನಿಕೆಯ ಗಣಿ

ನಿರಾಡಂಬರ ಸದ್ಗುಣಿ

ನಿರಹಂಕಾರಿ, ನಿರುಪದ್ರವಿ

ನಗುಮೊಗದ ಚೆಲುವೆ

ಶುಭ್ರ ಶ್ವೇತಕೇಶ ಸುಂದರಿ

ಸಾಹಿತ್ಯರಚನಾ ಪಂಡಿತೆ

ನಾಗರಾಜನ ಕೈಹಿಡಿದು

ಸಕ್ಕರೆಗೆ ಅಕ್ಕರೆಯ ಮಗಳಂತಿದ್ದು

ಸೇತುರಾಮನ ಮುದ್ದು ಸತಿಯಾಗಿ

ಬಂಧು ಮಿತ್ರರ ಮನಗೆದ್ದು

ಸದ್ದು ಗದ್ದಲಕೆಡೆಗೊಡದೆ

ಶಾಂತಮೂರ್ತಿಯೆ ತಾನಾಗಿ

ಹೆಸರಿಗನ್ವಯವಾಗಿ ತಾನಿಹಳು

ಉಪ್ಪಿಟ್ಟು ಚಿತ್ರಾನ್ನ

ಮಾವಿನಕಾಯಿ ಚಟ್ನಿ

ಕೋಸುಂಬರಿ ಸಜ್ಜಿಗೆ

ಮಜ್ಜಿಗೆಹುಳಿ ತಿಳಿಸಾರು

ನುಚ್ಚಿನುಂಡೆ ಅಂಬೊಡೆ

ಬೆಳೆಯುವುದು ಪಟ್ಟಿ

ತಿಂದವರಿಗಷ್ಟೆಗೊತ್ತು

ಅವಳ ಕೈರುಚಿಯು

ಹದದಿ ಅಡುಗೆಯಮಾಡಿ

ಪಾಕಪ್ರವೀಣೆಯೆನಿಸಿಹಳು

ಸಾಹಿತ್ಯ ಸಂಗೀತ

ಹಾಡು ಹಸೆ

ಆಟ ಪಾಠ ಪರಿಣತೆ

ದೇಶ ವಿದೇಶಗಳ ಸುತ್ತುತ

ಹಬ್ಬಹರಿದಿನವ ಬಿಡದೆ

ನೇಮದಿಂ ಆಚರಿಸುತ

ಕಥೆ ಕವನಗಳ

ರಚಿಸಿ ಹರ್ಷಿಸುವಳು

ಎಲ್ಲವನು ಮನಸಾರೆ ಮೆಚ್ಚಿ

ಎಲ್ಲರಾ ಒಳಿತನು ತಾ ಬಯಸಿ

ಎಲ್ಲಾ ವಿಷಯಗಳನು ಬೋಧಿಸಿ

ಎಲ್ಲರಾ ಗುಣಗಳನು ತಾ ಗ್ರಹಿಸಿ

ಎಲ್ಲರನು ನಲ್ಮೆಯಿಂ ಒಂದಾಗಿಸಿ

ಎಲ್ಲರೊಡನಿರಲು ಬಯಸುವವಳು

ನೀತಿ ನಿಯಮಪಾಲನೆಯನಿಷ್ಟಪಟ್ಟು

ಕಲಿಕೆಯುವಲಿ ಕಲಿಸುವಲಿ ಬಿಗಿಪಟ್ಟು

ಊಟ ಉಪಚಾರಗಳಲಿ  ಅಚ್ಚುಕಟ್ಟು 

ಉಡುಗೆ ತೊಡುಗೆಯಲಿ ಕಟ್ಟುನಿಟ್ಟು

ಇವೇ ಇವಳ ಬಾಳಿನ ಸಾಧನೆಯಗುಟ್ಟು

ವೈ ಎಂದು ಯಾರನು ಕೇಳಿಲ್ಲ

ವಿರಸಕೆಂದು ಎಡೆಗೊಟ್ಟಿಲ್ಲ

ಶಾಂತಿಯ ಕಳೆದುಕೊಂಡಿಲ್ಲ 

ತಾರತಮ್ಯವನೆಂದೂ ಮಾಡಿಲ್ಲ

ಮಮಕಾರದ ನುಡಿಯ ಗಿರ್ವಾ- 

-ಣಿ ವಿದ್ಯೆಯಾ ಶಾರದೆ, ಶಾಂತಿಯ ತವನಿಧಿ

ಶಾಂತಿ, ಶಾಂತಿ ಸೇತುರಾಂ, ಶಾಂತಾ ಮಣಿ. 

R R ನುಡಿ ನಮನ

  R R ಅವರ ಯಾರ್ಯಾರು ಬಲ್ಲರೋ

ಅವರೇ ಬಲ್ಲರವರಾತ್ಮೀಯತೆಯ ಪರಿಯ

ಅವರ ಆದರದ ಸವಿಯ ಆತಿಥ್ಯದ ಪರಿಯ

ಅವರ ಅತಿಶಯಗುಣ ಸಾಮರ್ಥ್ಯದ ಪರಿಯ

ಅವರ  ಬಹುಮುಖ‌ ಪ್ರತಿಭೆಯ ಪರಿಯ

ಅವರ ಸವ್ಯಸಾಚಿ ಸಾಮರ್ಥ್ಯದ ಪರಿಯ

ಅವರ ಸೃಜನಶೀಲ ಕೌಶಲ್ಯದ ಪರಿಯ

ಸಂಸಾರಿಯಲ್ಲದ ಸಂಸಾರಿಯ ಪರಿಯ

ನಗುಮೊಗದ ಸವಿನುಡಿಯ ಪರಿಯ

ಮಾತೃ ಹೃದಯದ ಮಮತೆಯ ಪರಿಯ

ಶಿಷ್ಯರಿಗೆ ಮಾರ್ಗದರ್ಶನ ನೀಡುವ ಪರಿಯ

ಭಾವನಾತ್ಮಕ ಸಂಬಂಧವ ಬೆಸೆಯುವ ಪರಿಯ

ಎಲ್ಲವನು ಮನರಾರೆ ಮೆಚ್ಚಿದವರು

ಎಲ್ಲರಾ ಒಳಿತನು ತಾ ಬಯಸಿದವರು

ಎಲ್ಲಾ ವಿಷಯಗಳನು ಬೋಧಿಸಿದವರು

ಎಲ್ಲರಾ ಗುಣಗಳನು ಗ್ರಹಿಸುತ್ತಿದ್ದವರು

ಎಲ್ಲರನು ನಲ್ಮೆಯಿಂ ಒಂದಾಗಿಸಿದವರು

ಎಲ್ಲರೊಡನಿರಲು ಬಯಸುತ್ತಿದ್ದವರು

ಶೈಕ್ಷಣಿಕಾಭಿವೃದ್ಧಿಯಲಿ ಕಾರ್ಯ ಪ್ರವೃತ್ತರಾದವರು

ಪ್ರಾಮಾಣಿಕತೆಯಿಂದ ನಿಷ್ಠೆಯಲಿ ದುಡಿಯುತ್ತಿದ್ದವರು

ಸಾಧನೆಗಳ ಸರಮಾಲೆಯ ಸರದಾರಿಣಿಯಾಗಿದ್ದವರು

ಬಿರುದು ಬಾವುಲಿಯ ಬೆನ್ನನೆಂದೂ ಹತ್ತದವರು

ಫಲಾಫಲಗಳನೆಣಿಸದೆ ತೆರೆಮರೆಗೆ ಸರಿಯುತ್ತಿದ್ದವರು 

ನಗುನಗುತ ತಪ್ಪುಗಳ ಒಳ್ನುಡಿಯಿಂ ತಿದ್ದುತ್ತಿದ್ದವರು

ಶಿಷ್ಯಕೋಟಿಯ ಅಭಿಮಾನಕೆ ಪುಳಕಗೊಂಡವರು

ಗುರುವಾಗಿಯೂ ಶಿಷ್ಯಳಂತೆಯೇ ಕೊನೆತನಕಿದ್ದವರು

ಚ್ಯುತಿಬಾರದಂತೆ ಕರ್ತವ್ಯಗಳ ಪೂರ್ಣಗೊಳಿಸಿದವರು

ವಿಜಯ ಶಿಕ್ಷಕರ ಕಾಲೇಜಿನ ಕೀರ್ತಿಯ ಬೆಳಗಿದವರು

ನೀತಿ ನಿಯಮಪಾಲನೆಯನಿಷ್ಟಪಟ್ಟು

ಕಲಿಕೆಯುವಲಿಕಲಿಸುವಲಿ ಬಿಗಿಪಟ್ಟು

ಊಟ ಉಪಚಾರದಲಿ ಕಚ್ಚುನಿಟ್ಟು 

ಉಡುಗೆ ತೊಡುಗೆಯಲಿ ಅಟ್ಟುಕಟ್ಟು

ಇವೇ ಇವರ ಬಾಳಿನ ಸಾಧನೆಯಗುಟ್ಟು

ಬಹುಭಾಷಾ ವಿಶಾರದೆ ಸರಳ ಸಜ್ಜನಿಕೆಯ ಗಣಿ

ನಿರಾಡಂಬರ ಸದ್ಗುಣಿ ನಿರಹಂಕಾರಿ, ನಿರುಪದ್ರವಿ

ಮೃದು ಮಧುರ ಭಾಷಿಣಿ ನಗುಮೊಗದ ಸುಂದರಿ

ಕಲಾಭಿಮಾನಿ ಕಲಾಪ್ರೇಮಿ ಸರ್ವ ಕಾರ್ಯಕಾರಿಣಿ

ಮಮತಾಮಯಿ ಮಾತೃರೂಪಿಣಿ ಸಮಚಿತ್ತದ ರಾಜೇಶ್ವರಿ 

 ರಾರಾಜಿಸುವ ಶೈಕ್ಷಣಿಕ ಸುಧಾರಣೆಗಳ ಮಾಡುತ

 ಜೇವೊಡೆದ ಸೃಜನಶೀಲ ಶರಗಳು ಗುರಿತಪ್ಪದೆ ಶಾ-

 -ಶ್ವತ ಸ್ಥಾನವನು ಎಲ್ಲರ ಮನದಲಿ ಪಡೆದವರು 

 ರಿಸಿ ಮುನಿಗಳಂತೆ ನಿರ್ಲಿಪ್ತತೆಯಿಂ ಬಾಳಿದವರು

 ಆರ್ ಆರ್ ಎಂದೆಲ್ಲರ ಮನದಿ ಉಳಿದಿರುವವರು

ಬಿಡುಗಡೆ ಬೇಕಿದೆ

ಜಾತಿಮತ ಧರ್ಮಮರೆತೊಂದಾಗಬೇಕಿದೆ
ಸಮರೋಪಾದಿಯಲಿ ಹೋರಾಡಬೇಕಿದೆ
ಕೋವಿಡ್19ನಿಂದ ಬಿಡುಗಡೆಯುಬೇಕಿದೆ
ಮನುಕುಲವು ಉಳಿಯಬೇಕಿದೆ ನನಕಂದ||

ಕಾದು ಕುಳಿತಿಹಳು

ಹೋಗದಿರಿ ಹೊರಗೆ
ಮಹಾಮಾರಿ ಕರೋನ
ಕಾದು ಕುಳಿತಿರುವಳು
ನಿಮ್ಮ ಕೈಯ ಹಿಡಿಯೆ

                    

ಬೇಜಾರಾಗುತ್ತಿದೆ

ಕೋವಿಡ್ 19 ಕಾಟ ತಾಳದಂತಾಗಿದೆ

ಕಣ್ಣಿಗೆಕಾಣದಂತೆಲ್ಲೆಡೆಯು ಹರಡುತಿದೆ

ಎಂದಿಗೆ ಬಿಡುಗಡೆಯೆಂದು ತಿಳಿಯದಾಗಿದೆ

ಬೇಜಾರಾಗುತ್ತಿದೆಯಲ್ಲ

      ಹಗಲುರಾತ್ರಿಯೆನದೆ ಸಕ್ರಿಯೆಯಲಿ ಚಲಿಸುತಿದೆ

      ಮುದುಕರು ಮಕ್ಕಳೆಂದೆನದೆ ಎಲ್ಲರನು ಕಾಡುತಿದೆ

      ಏನುಮಾಡದಂತೆ ಎಲ್ಲವನು ಎಲ್ಲರನು ಬಂಧಿಸಿದೆ

      ಬೇಜಾರಾಗುತ್ತಿದೆಯಲ್ಲ

ನೋಡಿದ್ದೇ ನೋಡಿ ನೋಡಿ

ಮಾಡಿದ್ದೇ ಮಾಡಿ ಮಾಡಿ

ಆಡಿದಾಟವನೇ ಆಡಿ ಆಡಿ

ಬೇಜಾರಾಗುತ್ತಿದೆಯಲ್ಲ

     ಮನೆಯೊಳಗೆಇದ್ದಿದ್ದು

     ಕೂತು ಮಲಗಿ ಎದ್ದು

     ಸಿಕ್ಕಿದ್ದು ಸಿಕ್ಕಷ್ಟು ಮೆದ್ದು

     ಬೇಜಾರಾಗುತ್ತಿದೆಯಲ್ಲ

ಮನೆಯೊಳಗೆ ಎಲ್ಲಾ

ಹೊರ ಹೋಗುತ್ತಲೇ ಇಲ್ಲ

ಯಾರೂ ಬರಲಾಗುತ್ತಿಲ್ಲ

ಬೇಜಾರಾಗುತ್ತಿದೆಯಲ್ಲ

    ಮಾರಿಯಾಟವಿನ್ನೂ ನಿಲ್ಲಲಿಲ್ಲ

    ಬಹುತೇಕರಿಗೆ ಅರ್ಥವಾಗುತ್ತಿಲ್ಲ

    ಅತಂಕದಿಂದ ನೆಮ್ಮದಿಯೇ ಇಲ್ಲ

    ಬೇಜಾರಾಗುತ್ತಿದೆಯಲ್ಲ

ಶಾಲೆಯೂ ಇಲ್ಲ 

ಪರೀಕ್ಷೆಯೂ ಇಲ್ಲ

ಪಾಸಾಗಿ ಆಯಿತಲ್ಲ

ಆಟವಾಡುವಂತಿಲ್ಲ

ಬರೆಯಲು ಓದಲು ಬೇಕಿಲ್ಲ

ಮಕ್ಕಳಿಗೆ ಲವಲವಿಕೆಯೇ ಇಲ್ಲ

ಮೈ‌ ಮನಸು ಜಡ್ಡುಹಿಡಿದಿದೆಯೆಲ್ಲ

ಬೇಜಾರಾಗುತ್ತಿದೆಯಲ್ಲ

    ಮನೆಯಿಂದಲೇ ಕೆಲಸವ ಮಾಡಬೇಕಲ್ಲ

    ಮಾಡಲು ಕೂತರೆ ನೆಟ್ವರ್ಕ್ ಸರಿಯಿಲ್ಲ

    ಆಫೀಸಿನ ಪರಿಸರ ಮನೆಯೊಳಗೆಯಲ್ಲ

    ಮಕ್ಕಳು ಮನೆಮಂದಿಯ ಸುಧಾರಿಸಬೇಕಲ್ಲ

    ಬೇಜಾರಾಗುತ್ತಿದೆಯಲ್ಲ

ಕೋವಿಡ್ 19 ಕಾಟ ತಾಳದಂತಾಗಿದೆಯಲ್ಲ

ಕಣ್ಣಿಗೆಕಾಣದಂತೆಲ್ಲೆಡೆಯು ಹರಡುತ್ತಿದೆಯಲ್ಲ

ಎಂದಿಗೆ ಬಿಡುಗಡೆಯೆಂದು ತಿಳಿಯದಾಗಿದೆಯಲ್ಲ

ದೇಶಗಳ ಆರ್ಥಿಕತೆಯೇ ಬುಡಮೇಲಾಗುತ್ತಿದೆಯಲ್ಲ

ಬೇಜಾರಾಗುತ್ತಿದೆಯಲ್ಲ

ಕರೋನ ಹಂ ಕ್ಯಾಕರೇನ

ಶಾಲೆಗೆ ಹೋಗುವಂತಿಲ್ಲ

ಪರೀಕ್ಷೆ ಬರೆಯುವಂತಿಲ್ಲ

ಓದಿ ಬರೆಯಲು ಮನಸಿಲ್ಲ

ಹೊರಗೆ ಆಡುವಂತಿಲ್ಲ

ಕರೋನ ಹಂ ಕ್ಯಾಕರೇನ

ಕೆಮ್ಮುವಂತಿಲ್ಲ

ಸೀನುವಂತಿಲ್ಲ

ನೆಗಡಿಯಾಗುವಂತಿಲ್ಲ

ಕೈತೊಳೆಯುತಿರಲೇ ಬೇಕಲ್ಲ

ಕರೋನ ಹಂ ಕ್ಯಾಕರೇನ

ಮುಟ್ಟುವಂತಿಲ್ಲ

ಮುದ್ದಿಸುವಂತಿಲ್ಲ

ತಬ್ಬಿಕೊಳ್ಳುವಂತಿಲ್ಲ

ಕೈಕುಲುಕುವಂತಿಲ್ಲ

ಕರೋನ ಹಂ ಕ್ಯಾಕರೇನ

ಐಸ್ ಕ್ರೀಮ್ ತಿನ್ನುವಂತಿಲ್ಲ

ಪಾನಿಪೂರಿ ಅಂಗಡಿಗಳಿಲ್ಲ

ಹೊಟೆಲ್ಗಳು ತೆರೆಯುತಿಲ್ಲ

ಚಾಕ್ಲೆಟ್ಬಿಸ್ಕೇಟ್ಗಳು ಸಿಕ್ಕುತ್ತಿಲ್ಲ

ಕರೋನ ಹಂ ಕ್ಯಾಕರೇನ

ಹೊರಗೆ ನಾವು ಹೋಗುವಂತಿಲ್ಲ

ಮನೆಗೆ ಯಾರೂ ಬರುವಂತಿಲ್ಲ

ಬಯಸಿದೊಡನೆ ತರುವಂತಿಲ್ಲ 

ಮನೆಯೊಳಗೆ ಬಂಧಿಗಳು ನಾವೆಲ್ಲ

ಕರೋನ ಹಂ ಕ್ಯಾಕರೇನ

ಅಂಗಡಿಮುಂಗಟ್ಟುಗಳಿಲ್ಲ

ಮಾಲ್ಗಳು ತೆರೆಯುತಿಲ್ಲ

ನಾಟಕ ಸಿನಿಮಾಳು ನಡೆಯುತಿಲ್ಲ

ಪ್ರವಾಸವ ಕೈಗೊಳ್ಳುವಂತಿಲ್ಲ

ಕರೋನ ಹಂ ಕ್ಯಾಕರೇನ

ವಾಕಿಂಗ್ ಹೋಗುವಂತಿಲ್ಲ

ವ್ಯಾಯಾಮ ಮಾಡುತಿಲ್ಲ

ತಿಂದು ಕುಳಿತು ಮಲಗಿ

ಮೈಬೆಳೆಯುತಿಹುದಲ್ಲ

ಕರೋನ ಹಂ ಕ್ಯಾಕರೇನ